Men Fellowship
ဘုရားသခင်၏ကျေးဇူးတော်ကြောင့် Judson Baptist Church Singapore Men Fellowship (JBCMF) မိဿဟာယအစီအစဉ်နှင့် ဝတ်ပြုကိုးကွယ်ခြင်း ကို ၂၀၁၃ ခုနှစ်မှစတင်၍ တစ်လလျှင် နှစ်ကြိမ်ပြုလုပ်ခဲ့ကြသည်။ ယခုအခါတွင်မူ တနင်္ဂနွေနေ့ ညနေပိုင်းတွင် အပတ်စဉ် မိဿဟာယဖွဲ့ ၀တ်ကိုးကွယ်ကြပြီး သခင်ယေရှုခရစ်၏မေတ္တာဖြင့် အချင်းချင်း အားပေးတည်ဆောက်မှုများဖြင့် ပိုမိုကြီးထွားခိုင်ခံလျက်ရှိသည်။ အပတ်စဉ်ဝတ်ပြုကိုးကွယ်ခြင်းအပြင် ၊ အမျိုးသားမိဿဟာယ Camp၊ အားသစ်လောင်းအစီအစဉ်၊ အခြားသောပြင်ပအစီအစဉ်များဖြင့် အသင်းတော် ပိုမိုကြီးထွားရင့်ကျက်လျက် ကဏ္ဍအသီးသီးမှာပိုမိုပါဝင်ဆက်ကပ်နိုင်စေရန် ဆောင်ရွက်လျက်ရှိသည်။
4:30 PM – 6:30 PM at Room L301(Education Block)
Women Fellowship
Judson Baptist Church Women Fellowship (JBCWF) ကို 1993 ခုနှစ်တွင် အမျိုးသမီး (အိမ်ထောင်ရှင်၊ လူလွတ်) အမျိုးသမီးတစ်စုတို့မှစတင်၍ ခရစ်တော်ကိုအစေခံရန်နှင့် မိမိတို့၏မိသားစုများ၊ မိမိတို့၏အသင်းတော်နှင့် မိမိတို့နိုင်ငံအတွက် အမှုဆောင်နိုင်စေရန်အတွက် ရည်ရွယ်၍ဖွဲ့စည်းခဲ့ပါသည်။
အမျိုးသမီးမိဿဟာယဝတ်ပြုအစည်းအဝေးကို အပတ်စဥ်တနင်္ဂနွေနေ့ ညနေပိုင်းတွင် အတူတကွမိဿဟာယဝတ်ပြုကိုးကွယ်ကြပြီး အမျိုးသမီး Camp, ဧဝံဂေလိအစီအစဉ်၊ အားသစ်လောင်းအစီအစဉ်၊ အပန်းဖြေလေ့လာရေးအစီအစဉ်၊ အခြားသောအသင်းတော်များနှင့်ပူးပေါင်း၍ စုပေါင်းဝတ်ပြုကိုးကွယ်ခြင်းများ၊ အစရှိသောအစီအစဉ်များစွာဖြင့် အင်္ဂါချင်းတစ်ဦးကိုတစ်ဦး ဖေးမလျှက် ကျရာနေရာကဏ္ဍတွင် အစေခံလျက်ရှိကြပါသည်။
4:30 PM – 6:30 PM at Room L303 (Education Block)
Young Adult Fellowship
Judson Baptist Church Singapore Young Adult Fellowship (JBCYAF) ၏ ၀တ်ပြုကိုးကွယ်ခြင်းကို အောက်တိုဘာလ ၂ရက် ၂၀၂၂ တွင် စတင်ခဲ့သည်။
JBCYAF တွင် သက်လတ်အရွယ် အမျိုးသား၊ အမျိုးသမီး၊ အိမ်ထောင်ရှင်၊ လူပျိုလူလွတ် များစွာပါဝင်မိဿဟာယဖွဲ့ ဝတ်ပြုကိုးကွယ်လျက်ရှိသည်။
ရှင်ယောဟန် ၁၃:၃၅ ကိုအခြေခံကာ ထာဝရဘုရား၏ မေတ္တာဖြင့် မတူညီမှုအမျိုးမျိုးကြားမှပင် ပေါင်းစည်းဆက်နွယ်လျက်ညီညွတ်စွာဖြင့် ထိုမေတ္တာကို ဖော်ဆောင်နိုင်မည့်တပည့်တော်ကောင်းများအသက်တာဖြစ်စေရန်ရည်ရွယ်၍ ဖွဲ့စည်းကာ မိမိကျရာနေရာကဏ္ဍတွင်ပါဝင်ဆက်ကပ်လျက်ရှိသည်။
10:30 AM – 12:00 PM at Room L303 (Education Block)
Youth Fellowship
Judson Baptist Church Youth Fellowship (JBCYF) ကို လူငယ်လူရွယ်တစ်စုက ၁၉၉၈ ခုနှစ်တွင်စတင် ဖွဲ့စည်းခဲ့ကြသည်။ ထိုအချိန်မှစ၍ ယနေ့အချိန်အထိ JBCYF သည် ဘုရားသခင်၏အမှုတော်တွင်တစ်ဖက်တစ်လမ်းမှပါ၀င် ထမ်းဆောင်နေသော လူငယ် Fellowship အဖြစ် စဉ်ဆက်မပြတ် လှပစွာ ကြီးထွားလာခဲ့သည်။ ယခုအချိန်တွင် JBCYF တွင် အသက် ၁၃နှစ် မှ ၂၅နှစ်အထိ လူငယ်များ မိဿဟာယဖွဲ့ ပါဝင်ဆက်ကပ်လျက်ရှိသည်။
တစ်နှစ်ပတ်လုံး စိတ်ဝင်စားဖွယ် ၊ ဆွဲဆောင်မှုရှိသော အစီအစဉ်များစွာဖြင့် လူငယ်များစွာကို ဖိတ်ခေါ်လျက် အတူတကွတစ်လုံးတစ်ဝတည်း ဝတ်ပြုကိုးကွယ်ရန်အတွက် စီစဉ်လျက် လူငယ်များစွာကိုစောင့်မျှော်လျက်ရှိသည်။
4:30 PM – 6:30 PM at Level 3 Hall (Education Block)
Christian Education
ဓမ္မပညာဌာန၏ ရည်ရွယ်ချက်များမှာ –
၁) စင်ကာပူရောက် မြန်မာတိုင်းရင်းသား ခရစ်ယာန် ကလေးသူငယ်များနှင့် မိသားစုများ ဝိညာဉ်ရေးရာ ရင့်ကျက် ကြီးထွားရန်။
၂) ကလေးသူငယ်များ ငယ်ရွယ်သော အရွယ်မှ စတင်ပြီး ကယ်တင်ခြင်း စိတ်ချမှုရှိရန်။ မိမိ၏ ဖန်ဆင်းရှင် ထာဝရ မြတ်ဘုရားသခင်နှင့် ရင်းနှီး ကျွမ်းဝင်မှု ရှိစေရန်။
၃) ဆယ်ကျော်သက်အရွယ် လူငယ်များ လမ်းမှန်ရောက်ရှိရန်။ အသင်းတော် လုပ်ငန်းများနှင့် သမ္မာတရား၌ ကျင်လည် ပျော်မွေ့တတ်ရန်။
အထက်ပါရည်ရွယ်ချက်များအတိုင်း ဥပုသ်စာဖြေ အတန်းများကို တနင်္ဂနွေနေ့ နေ့လည် ပိုင်းတွေ အပတ်စဉ် မပျက်မကွက် သင်ကြားပေးလျက်ရှိသည်။ ထို့အပြင် Day Camp, Overnight Camp, Outdoor Bonding Activities များစွာဖြင့် ကလေးသူငယ်များ အသင်းတော်၌ ပျော်မွေ့၍ အသင်းတော်မိသားစုနှင့် ရင်းနှီးကျွမ်းဝင်အောင် အရှိန်အဟုန်ကြီးစွာဖြင့် ဆောင်ရွက်လျက်ရှိသည်။
1:30 AM – 3:30 PM (Education Block)